fanaposten.no

Haldor Telle til minne

Haldor Telle har gått bort. Minneordet er skrevet Fana Ungdomslag.

Kjentfolk · Publisert 09:45, 27 jul 2020

Haldor Telle døydde om kvelden den 16.juli etter kort tids sjukdom. Med dette har Fana Ungdomslag og kulturlivet i Fana mista ein av sine markante kulturbærarar. Haldor hadde ei ekte interesse for all folkeleg kultur, og saman med kona Elen fekk dei kjente over det ganske land når dei deltok på festivalar, kappleikar, ulike kulturarrangement og tilskipingar. I folkemusikk- og folkedansmiljøet har dei utruleg mange vener og vart sett stor pris på, dyktige og omgjengelege som dei var.

Haldor var fødd 19.3.34 i Telavåg, ei trygg og god bygd, men kor Haldor som 8-åring skulle oppleve krigens redsler både på kropp og sinn. Bygda vart ramma av krigens herjingar og ved 2. verdenskrigs slutt stod eit stort gjenreisingsarbeid framfor Telavåg.

Som godt vaksen heldt Haldor mange foredrag rundt i landet om krigen og kva verknader dette hadde for folka i Telavåg. Som tidsvitne dro han årleg med skuleklassar og organisasjonar til Krakow og synte fram konsentrasjonsleirenes ondskap. For Haldor var dette viktig, slik at det ikkje skulle skje igjen.

Vi i Fana ungdomslag møtte Elen og Haldor på 1970-talet. Dei vart raskt sett stor pris på av den store lagsflokken. Opp gjennom åra har dei, heilt fram til den siste tida, fulgt Fana Ungdomslag i opp-og nedgangstider. Alltid engasjerte, inspirerande og lette å be om å delta i ulike verv. Dei skipa begge til flotte kulturkveldar i samarbeid både med laget og med kulturkontoret i Fana på Kulturhuset på Nesttun.

Det er likevel i ulike verv lagsarbeidet og som rettleiar for dansarane i laget, vi i Fana Ungdomslag hugser Haldor best. Rettskaffen, dyktig, kunnskapsrik og omsorgsfull, alltid oppteken av å ivareta alle og skape eit godtmiljø. Med sin kjappe replikk og slagferdige humor var han alltid ein miljøskapar og gledesspreiar.

Elen og Haldor fekk i 2014 kulturprisen for Fana og Ytrebygda for det store kulturarbeidet dei har lagt ned i Fanabygda. I Fana Ungdomslag er dei begge utnemnde til heidersmedlemmer.

Våre tankar går til Elen som har mista den ho delte livet med. Vi håper framleis Elen blir å sjå i ungdomslagsarbeidet i Fana, ressursperson som ho er.

Fred over Haldor Telle sitt minne.

Her blir veien stengt i tre måneder. Det var det mange som ikke hadde fått med seg

På dagen da mange begynte igjen på jobb etter sommerferien, stengte Sætervegen for gjennomkjøring.

Adresse: Østre Nesttunveg 6, 5221 Nesttun.
Åpningstider: mandag – fredag 09.00-16.00.
Organisasjonsnummer: 939541489

Sentralbord: 55 11 80 10
Tips: tips@fanaposten.no


Ikke fått avis, eller henvendelser om abonnement?
Ring 23 33 91 58 eller send epost til fanaposten@mediaconnect.no

Fanaposten arbeider etter Vær Varsom-plakatens regler for god presseskikk. Den som mener seg rammet av urettmessig avisomtale oppfordres til å ta kontakt med redaksjonen. Det er også mulig å ta kontakt med Pressens Faglige Utvalg (PFU), et klageorgan oppnevnt av Norsk Presseforbund som behandler klager mot pressen i presseetiske spørsmål.

Fakturainformasjon:
Vi mottar kun elektroniske faktura (EHF eller pdf): regnskap@mbkonsern.no
Les mer om efaktura her.


Ansvarlig redaktør: Ståle Melhus, 982 17 445
Daglig leder: Kenneth Dahling, 952 24 714

© Fanaposten